sirf tum

yadon mein,wadon mein,rahon mein,saanson mein,

tumhara khyal,tumhari baatein,tumhara chehra,tumhari mohabbat.

bas saath hai mere,kuchh khwab kuchh lamhe,

jisme basi ho tum.

main dekhta hoon tumhe,

har jugnu mein,har raushni mein,

har baarish mein,har sookhe mein,

un khwahishon ki tarah,

jisme basi ho tum, sirf tum.

main chahta hoon tumhe,

us dariya ki tarah,jiski chahat hai nadi,

us bhawnre ki tarah,jiski chahat hai kali,

us deepak ki tarah,jiski chahat hai raushni,

us dhdkan ki tarah,jiski chahat hai saanse,

aur har ek chahat mein,

basi  ho tum,sirf tum.