Ajab gazab facebook status.

Pic credit: pinterest.

Ajab gazab facebook status.

Toh chaliye dosto aaj baat karte hain ajab gazab facebook status ya post ke baare mein.
Ek bande ne picture post kiya aur caption likha: "eating egg burger" ab ye andewala burger kaun sa hota hai ye toh MacDonald walo se hi poochhna padega.

Read Also : Free advice dene walo ke liye ek advice.

Ek ne apna picture post kiya jismen background mein JCB se mitti ki khudai ho rahi thi. Aur caption pata h kya tha: "I'm busy in earth cutting."
Iski angrezi padhke toh aisa laga jaise ki wo kahawat hai na ki angrez chale gaya aur apni chaddi chhod gaye. Toh wo kewal chaddi hi nahi balki poora pant shirt aur apna poora wardrobe bhi chhod gaye the.

Ek ne toh apne bete ke birthday ki pic lagakar caption likha ki celebrating sun birthday. Son ki spelling SUN thi.
After reading this I was like "english hum sharminda hain, tere qaatil zinda hain".

Aur ek sabse famous wala toh aaplog jaante hi hain . "Celebritng  honeymoon with priya and 20 others. "

Lekin inn sabse alag ek powerful fb post maine aisa dekha ki seena 56 inch ka ho gaya. Ek Mother ne apne dono beto ki tasweer lagayi thi aur caption likha tha :" mere 2  bete hain , ek ko RSS mein bhejungi aur doosre ko Indian Army mein. "

Jai hind.

©Nitish Tiwary.

Ye bhi dekhiye: